திருப்பூர்:திருப்பூர் மாவட்டத்தில், 1,112 அமைவிடங்களில் மொத்தம் 2,822 ஓட்டுச்சாவடிகள் அமைக்கப்பட்டுள்ளன. ஒவ்வொரு ஓட்டுச்சாவடிக்கும் ஓட்டுச்சாவடி தலைமை அலுவலர், ஓட்டுப்பதிவு அலுவலர் நிலை - 1, நிலை - 2, நிலை - 3 என நான்கு பேர் வீதம், 20 சதவீதம் கூடுதலாக, 3,390 ஓட்டுச்சாவடி தலைமை அலுவலர்கள்; ஓட்டுப்பதிவு அலுவலர்கள் 10,170 பேர் என, மொத்தம் 13 ஆயிரத்து 560 பேர் நியமிக்கப்பட்டுள்ளனர். எட்டு தொகுதிகளில், மொத்தம் 129 பதற்றமான ஓட்டுச்சாவடிகள் உள்ளன. இந்த ஓட்டுச்சாவடிகளை கண்காணிப்பதற்காக, நுண் பார்வையாளர்கள் 179 பேர் நியமிக்கப்படுகின்றனர்.