அதனடிப்படையில் நேற்று பல்வேறு தங்கும் விடுதிகள், மேன்சன்களில் மாநகர போலீசார் சோதனை நடத்தினர். அவ்வகையில் நேற்று 40க்கும் மேற்பட்ட இடங்களில் இந்த சோதனை நடந்தது.

மத்திய பஸ் ஸ்டாண்ட் பகுதியில் உள்ள ஒரு விடுதியில், தங்கியிருந்த நபரின் அறையில் போலீசார் சோதனை நடத்திய போது, அரை கிலோ கஞ்சா இருந்தது. விசாரணையில், கஞ்சா வைத்திருந்தவர், மதுரையைச் சேர்ந்த தங்க பிரபு, 45 என்பதும், மார்க்கெட்டில் மூட்டை சுமக்கும் பணி செய்வதும் தெரிந்தது.

மேலும் அவர் கஞ்சா வாங்கி வந்து பதுக்கி வைத்து விற்பனை செய்வது தெரிந்தது. தெற்கு போலீசார் அவரை கைது செய்து, கஞ்சாவைப் பறிமுதல் செய்தனர்.