பள்ளி தாளாளர் 'நிக்கான்ஸ்' வேலுசாமி தலைமையில் நடைபெற்ற விழிப்புணர்வு ஊர்வலத்தில், மாணவர்கள், 'மண் வளம் காப்போம், நெகிழியை ஒழிப்போம், மரம் நடுவோம்; மழை வளம் பெறுவோம்; இயற்கை உரங்களை பயன்படுத்துவோம்; உலக உயிர்களை காப்போம்' என்கிற வாசகங்கள் அடங்கிய பதாகைகளை ஏந்திச்சென்றனர்.

அம்மன் நகர், சிறுபூலுவப்பட்டி ரிங் ரோடு வழியாக அமர்ஜோதி வீதிகளில் பேரணியாக சென்றனர். மக்காத பொருட்களால் ஏற்படும் தீமைகள்; மக்கும் பொருட்களால் ஏற்படும் நன்மைகள் குறித்த மாதிரி வடிவங்களை உருவாக்கி, பள்ளி வளாகத்தில் வைத்தனர். பள்ளி அறக்கட்டளை செயலாளர் கீர்த்திகா வாணி சதீஷ், பள்ளி முதல்வர் மணிமலர் மற்றும் ஆசிரியர்கள், மாணவர்கள் பங்கேற்றனர்.