திருவண்ணாமலை கட்டபொம்மன் தெருவில் பாஸ்கர், 40, என்-பவர், 'ஏசி' சர்வீஸ் செய்யும் கடையை கடந்த, 20 வருடங்களாக நடத்தி வருகிறார். நேற்று காலை, 10:00 மணியளவில் கடையை திறந்து, சிறிது நேரம் பணி செய்து விட்டு, பின் வெளியே சென்றிருந்தார். கடையில், பிரிஜ் மற்றும் 'ஏசி'க்கு காஸ் நிரப்ப, 4 புரோபேன் காஸ் சிலிண்டரை கடையில் வைத்தி-ருந்தார். மின் கசிவால், அதில் ஒரு காஸ் சிலிண்டர் மட்டும் தீப்-பிடித்து வெடித்தது. இதனால், கடை முழுவதும் வேகமாக தீ பர-வியது. திருவண்ணாமலை தீயணைப்பு துறையினர் சம்பவ இடம் சென்று தீயை கட்டுப்படுத்தினர். இந்த தீ விபத்தில், சர்வீஸ் செய்ய வைத்திருந்த, 5 லட்சம் ரூபாய் மதிப்பிலான 'ஏசி', பிரிஜ் உள்ளிட்ட பொருட்கள் எரிந்து நாசமாகின. திருவண்ணாமலை டவுன் போலீசார் விசாரித்து வருகின்றனர்.