ஆனாலும், திருவண்ணாமலையிலிருந்து சென்னை, வேலுார், விழுப்புரம், சேலம், பெங்களூரு ஆகிய பகுதிகளுக்கு செல்ல போதுமான பஸ்கள் இயக்கப்படாததால், அதிகாலை, 4:00 மணி முதல் காலை, 8:00 மணி வரை பஸ்கள் இல்லாமல், சாலை நடுவில் அமர்ந்து பக்தர்கள், எப்போது பஸ் வரும் என காத்திருந்தனர்.

வந்த சில பஸ்களிலும் முண்டியடித்து ஏறினர். இதனால், வயதானவர்கள், குழந்தை வைத்திருந்தோர், பஸ்சில் ஏற முடியாமல் தவித்தனர். வேலுார் மற்றும் விழுப்புரம் மார்க்கமாக, சென்னைக்கு இயக்கப்பட்ட ரயில்களில் கூட்டம் நிரம்பி வழிந்தது. நிற்கக்கூட இடமில்லாமல் தவித்த நிலையில் பயணித்தனர்.