திருவண்ணாமலை மாவட்டம், ஆரணி அடுத்த குன்னத்துாரைச் சேர்ந்தவர் ராஜமாணிக்கம், 85; மாஜி பஞ்., தலைவர். உடல்நலக் குறைவு ஏற்பட்டதால் சிகிச்சை பெற, ஆரணி சைதாப்பேட்டைக்கு டி.வி.எஸ்., மொபட்டில் நேற்று காலை, 10:00 மணியளவில் சென்றார்.

அப்போது, அவ்வழியாக வந்த அடையாளம் தெரியாத கார் மோதியதில், பலத்த காயமடைந்தார். ஆரணி அரசு மருத்துவமனைக்கு கொண்டு செல்லும் வழியில் இறந்தார். ஆரணி டவுன் போலீசார் விசாரிக்கின்றனர்.