திருவண்ணாமலை, அண்ணாமலையார் மலையடிவாரத்தில், 25,000க்கும் மேற்பட்ட வீடுகள் ஆக்கிரமித்து கட்டப்பட்டுள்ளன. பெஞ்சல் புயல் மழையால், திருவண்ணாமலையில் கடந்த, டிச., 1ம் தேதி அண்ணாமலையார் மலையில், 6 இடங்களில் நிலச்சரிவு ஏற்பட்டது. இதில் ஓரிடத்தில் உருண்டு வந்த ராட்சத பாறை, மலை அடிவாரத்தில். வ.உ.சி., நகர், 11வது தெருவில் ஒரு வீட்டின் மீது விழுந்ததில், வீட்டினுள் இருந்த, 7 பேர் சிக்கி பலி-யாகினர். மேலும், 20 வீடுகள் சேதமடைந்தன.

அப்போது ஏற்பட்ட நிலச்சரிவில், 40 டன் எடையுள்ள மற்றொரு பாறை மலையிலிருந்து உருண்டு வந்து, வ.உ.சி., நகர், 9 வது தெரு, மலையடிவாரத்தில், எந்த நேரத்திலும் உருண்டு, வீடு-களின் மீது விழும் அபாய நிலையில், குறைவான பிடிமானத்-துடன், அந்தரத்தில் தொங்கி கொண்டுள்ளது. இதை உடைத்து எடுக்கும் பணியில், திருச்சியை சேர்ந்த தனியார் நிறுவனத்தை சேர்ந்த பாறை உடைக்கும் நிபுணர் குழுவை சேர்ந்த, 10 பேர், 'சைல்ட் ராக் கிராக்' என்ற முறை மூலம், பாறையில் துளை-யிட்டு, வெடி பொருள் நிரப்பி, அதிகளவு சிதறாமல் வெடிக்கும் முறையில், பாறையை அகற்றும் பணியில் ஈடுபட்டுள்ளனர். இதை தொடர்ந்து மேலும், சில பாறைகள் மலையிலிருந்து உருண்டு வரும் அபாய நிலையில் உள்ளன. அவற்றையும் உடைத்தெடுக்கும் பணியை செய்ய உள்ளனர்.