நேற்று முன்தினம் மாலை வீரப்பூரில் உள்ள தன் மருந்து கடையில் அவர் இருந்தார். அப்போது, 'தமிழ்நாடு அரசு' என்று எழுதப்பட்ட, 'சைலோ' காரில் வந்த ஆறு பேர், தங்களை சுகாதாரத்துறை அதிகாரிகள் என்று அறிமுகம் செய்து, மருத்துவம் படிக்காமல் வைத்தியம் செய்வது குறித்து விசாரிக்க வேண்டும் என்று கூறி, சுதாகரை காரில் கடத்தினர். பின், சுதாகர் குடும்பத்தாரிடம், அவரை விடுவிக்க, 10 லட்சம் ரூபாய் கேட்டு மிரட்டினர்.

தகவலறிந்த மணப்பாறை போலீசார், மஞ்சம்பட்டி அருகே கடத்தல்காரர்களை சுற்றி வளைத்து, சுதாகரை மீட்டனர்.

இதையடுத்து, காரில் வந்த, கேரளா, திருவனந்தபுரத்தைச் சேர்ந்த நவ்ஷாத், 45, திருச்சி மாவட்டத்தைச் சேர்ந்த சேகர், 42, மதுரையைச் சேர்ந்த மாரிமுத்து, 53, உள்ளிட்ட ஆறு பேரை கைது செய்தனர்.

இவர்களிடம் மணப்பாறை போலீசார் விசாரணை நடத்தி வருகின்றனர்.