திருச்சி, பொன்மலையில், 25 வயது இளம்பெண் அஞ்சல்துறையில் பணியாற்றி வருகிறார். இவர், கடந்த, 8ம் தேதி பணி நிமித்தமாக பொன்மலை பகுதியில் டூ - வீலரில் சென்றபோது, பைக்கில் வந்த நபர், இளம்பெண்ணை வழிமறித்து, பாலியல் தொல்லை கொடுத்து தப்பினார்.

இளம்பெண் பொன்மலை போலீசில் புகார் அளித்தார். புகாரின்படி, போலீசார் மர்ம நபரை தேடினர்.

அப்பகுதி, 'சிசிடிவி'க்களை ஆய்வு செய்ததில், அவர் லால்குடி அருகே உள்ள காணக்கிளியநல்லுார் போலீஸ் ஸ்டேஷனில் பணியாற்றி வரும் போலீஸ்காரர் கோபாலகிருஷ்ணன், 32, என, தெரிந்தது.

நேற்று காலை கோபாலகிருஷ்ணனை, பொன்மலை போலீசார் கைது செய்து, திருச்சி நீதிமன்றத்தில் ஆஜர்படுத்தி, மத்திய சிறையில் அடைத்தனர்.