லஞ்சம் கொடுக்க விரும்பாத பாலாஜி, வேலுார் லஞ்ச ஒழிப்பு போலீசில் புகார் அளித்தார். போலீசார் கொடுத்தனுப்பிய ரசாயனம் தடவிய, 20,000 ரூபாயை, கமிஷனர் குமாரிடம் வழங்கினார். மறைந்திருந்த லஞ்ச ஒழிப்பு போலீசார், குமாரை கைது செய்தனர்.

வேலுார் மாவட்ட முதன்மை குற்றவியல் நீதிமன்ற நீதிபதி ராதாகிருஷ்ணன், வழக்கை விசாரித்து, முன்னாள் மாநகராட்சி கமிஷனருக்கு, மூன்றாண்டு சிறை, 10,000 ரூபாய் அபராதம் விதித்து நேற்று முன்தினம் மாலை உத்தரவிட்டார்.

தண்டனை பெற்ற முன்னாள் கமிஷனர் குமார், சில மாதங்களுக்கு முன், துாத்துக்குடி மாநகராட்சியில் துணை கமிஷனராக பணியாற்றி, ஓய்வுபெறும் நாளில், சஸ்பெண்ட் செய்யப்பட்டார்.