வேலுார்:வேலுார் மாவட்டம், கே.வி.குப்பம் அடுத்த காங்குப்பம் கிராமத்தை சேர்ந்தவர் புனிதா, 35. இவரிடம், கடந்த, 2021ம் ஆண்டு, அப்பகுதியை சேர்ந்த, 2 தம்பதியர், 'நாங்கள் நடத்தும் ஆன்லைன் டிரேடிங் பிசினசில் பங்குதாரராக சேர்ந்தால், அதிக லாபம் கிடைக்கும்; முதலீடு செய்யும் பணத்திற்கு மாதந்தோறும், 10 சதவீதம் வருமானம் கிடைக்கும்' என ஆசை வார்த்தை கூறினர். இதை நம்பி, இவரது நண்பர்கள், உறவினர்கள் உள்ளிட்டோரிடம் பணம் பெற்று, 2.56 கோடி ரூபாய் மற்றும், 41 சவரன் நகைகளை, புனிதா கொடுத்தார்.