செஞ்சி அடுத்த தளவாளப்பட்டு, காமராஜர் தெருவைச் சேர்ந்தவர் கிருஷ்ணமூர்த்தி மகன் தேவராஜ், 27; வானுார் தாலுகா அலுவலகத்தில் சர்வேயராக பணிபுரிந்து வந்தார். திருமணமாகவில்லை.

நேற்று முன்தினம் இரவு 7:00 மணியளவில், திருச்சிற்றம்பலம் கூட்ரோடு சென்றவர் பின், மயிலம் ரோடு வழியாக வீட்டிற்கு, பல்சர் பைக்கில் சென்று கொண்டிருந்தார்.

தனியார் வாட்டர் கம்பெனி அருகே சென்றபோது, எதிரே சேதராப்பட்டு காலனியைச் சேர்ந்த சரத், 48; என்பவர் ஓட்டி வந்த யமாகா பைக், தேவராஜ் மீது மோதியது. இதில், தேவராஜ் படுகாயமடைந்தார். சரத் காயமின்றி தப்பினார்.

படுகாயமடைந்த தேவராஜை புதுச்சேரி ஜிப்மர் மருத்துவமனைக்கு கொண்டு செல்லும் வழியில் இறந்தார்.

வானுார் போலீசார் வழக்குப் பதிந்து விசாரித்து வருகின்றனர்.