கலெக்டர் பெருந்திட்ட வளாக மைதானத்தில், மாநில ஊரக, நகர்ப் புற வாழ்வாதார இயக்கம் சார்பில், நடந்த ஊர்வலத்திற்கு, மாவட்ட தேர்தல் நடத்தும் அலுவலர் கலெக்டர் பழனி தலைமை தாங்கி துவக்கி வைத்தார்.

ஊர்வலத்தில், மகளிர் குழுவினர், ஓட்டளிப்பது தொடர்பாகன விழிப்புணர்வு பதாகைகளை ஏந்தியபடி, நகரின் முக்கிய வீதி வழியாகச் சென்று விழிப்புணர்வு ஏற்படுத்தினர்.

அதனைத் தொடர்ந்து, 100 சதவீதம் ஓட்டளிப்பது குறித்து உறுதிமொழியேற்றனர்.

கூடுதல் கலெக்டர் ஸ்ருதன் ஜெய் நாராயணன், மகளிர் திட்ட இயக்குனர் காஞ்சனா, குழந்தை வளர்ச்சி திட்ட அலுவலர் பார்கவி, தேர்தல் தாசில்தார் ஜெயலட்சுமி உட்பட துறை சார்ந்த அலுவலர்கள் பங்கேற்றனர்.