விக்கிரவாண்டி தொகுதிக்கான இடைத்தேர்தல் 10ம் தேதி நடந்து முடிந்து, அதற்கான மின்னணு வாக்குப்பதிவு இயந்திரங்கள், விழுப்புரம் அடுத்த பனையபுரத்தில் உள்ள அரசு பள்ளி ஓட்டு எண்ணும் மையத்தில் வைக்கப்பட்டுள்ளது. அங்கு, இன்று காலை 7:00 மணிக்கு ஓட்டு எண்ணும் பணி தொடங்குகிறது. இதற்காக, பலத்த போலீஸ் பாதுகாப்பு போடப்பட்டுள்ளது.

இடைத்தேர்தல் ஓட்டு எண்ணிக்கை பாதுகாப்பு பணியில், விழுப்புரம் சரக டி.ஐ.ஜி., திஷாமித்தல், எஸ்.பி., தீபக்சிவாச் தலைமையில், 4 ஏ.டி.எஸ்.பி.,க்கள், 7 டி.எஸ்.பி.,க்கள், 28 இன்ஸ்பெக்டர்கள், 86 சப் இன்ஸ்பெக்டர்கள், 300 தமிழ்நாடு சிறப்பு காவல் படை போலீசார் உள்ளிட்ட 1,195 போலீசார் பாதுகாப்பு பணியில் ஈடுபடுகின்றனர். இவர்களுடன், துப்பாக்கி ஏந்திய மத்திய துணை ராணுவ படையினர் 16 பேர் பாதுகாப்பு பணியில் ஈடுபட்டுள்ளனர்.