அவலுார்பேட்டை மற்றும் சுற்றுப்பகுதி கிராம விவசாயிகளிடமிருந்து கத்தரிக்காய், வெண்டைக்காய் உள்ளிட்ட காய்கறிகளை வாங்கிக்கொண்டு சென்னை பூந்தமல்லியில் உள்ள குடோனுக்கு கன்டெய்னர் லாரி நேற்று சென்று கொண்டிருந்தது.

லாரியை பண்ருட்டியைச் சேர்ந்த சுந்தரமூர்த்தியின் மகன் அன்பழகன், 24; ஓட்டினார்.

மதியம் 3:30 மேல்மலையனுார் சாலை வளைவில் சென்றபோது கட்டுப்பாட்டை இழந்த லாரி திடீரென கவிழ்ந்து விபத்துக்குள்ளானது. இதில் டிரைவர் காயங்கள் ஏதுமின்றி அதிர்ஷ்டவசமாக தப்பினார்.

அவலுார்பேட்டை போலீசார் விசாரித்து வருகின்றனர்.