விழுப்புரம் ரயில் நிலையம், அம்ரித் பாரத் திட்டத்தின் கீழ் ரூ. 23.50 கோடியில் நவீனமயமாக்கப்பட்டு வருகிறது.

அதன் ஒருபகுதியாக நேற்று ரயில் நிலையத்தில் உள்ள பழைய நடைபாதை மேம்பாலத்தை அகற்றம் பணியும், உயர் மின்னழுத்த கம்பங்கள் மாற்றும் பணி நடந்தது. அதனையொட்டி விழுப்புரம்-புதுச்சேரி சாலையில் உள்ள ரயில்வே மேம்பாலம் மூடப்பட்டது.

காலை 11:30 மணி முதல் மதியம் 1:30 மணி வரை மேம்பாலத்தின் இருபுறமும் ரயில்வே போலீசார் தடுப்பு கட்டை வைத்து மூடி, பாதுகாப்பு பணியில் ஈடுபட்டனர்.

இவ்வழியே வந்த இரு சங்கர வாகனங்களை ரயில் நிலையம் வழியாகவும், நான்கு சக்கர வாகனங்கள் கீழ்பெரும்பாக்கம் தரைப்பாலம் வழியாகவும் திருப்பி விடப்பட்டது. இதனால், போக்குவரத்து நெரிசலில் சிக்கி வாகன ஓட்டிகள் பெரும் அவதிக்குள்ளாகினர்.

விழுப்புரம்-புதுச்சேரி-கடலுார் வழித்தட பஸ்கள் முண்டியம்பாக்கம், பனையபுரம் வழியாகவும் மற்றும் விழுப்புரம் - நாகை சாலையில் வாணியம்பாளையம் வழியாக இயக்கப்பட்டன.