ADDED : ஆக 05, 2026 04:20 PM
அ நிறம் | அளவு
திண்டிவனம்: திண்டிவனத்தில் பலத்த காற்று வீசியதில், மரத்தின் கிளை முறிந்து, மின் கம்பத்தின் விழுந்ததால் பரபரப்பு ஏற்பட்டது.
திண்டிவனத்தில் நேற்று முன்தினம் நள்ளிரவு பலத்த காற்றுடன் மழை பெய்தது. அப்போது, எம்.ஆர்.எஸ்.ரயில்வே கேட் அருகே உள்ள மாரியம்மன் கோவில் எதிரில் நுாறாண்டு பழமை வாய்ந்த அரச மரத்தின் பெரிய கிளை முறிந்து, அருகிலுள்ள மின்கம்பத்தில் விழுந்தது. இதனால் அந்தப்பகுதியில் மின்தடை ஏற்பட்டது.
சம்பவ இடத்திற்கு நகராட்சி கமிஷ்னர் பானுமதி நேற்று காலை நேரில் வந்து பார்வையிட்டார். பொக்லைன் மூலம் மரத்தின் கிளை அப்புறப்படுத்தப்பட்டது. மின்தடையை சீர் செய்யும் நடவடிக்கையில் மின்துறை அதிகாரிகள் ஈடுபட்டனர்.
