விக்கிரவாண்டி சப்இன்ஸ்பெக்டர் மணிகண்டன் மற்றும் போலீசார் நேற்று மாலை குச்சிபாளையம் அருகே வாகன தணிக்கையில் ஈடுபட்டிருந்தனர்.

அப்போது திருக்கனுாரிலிருந்து 2 பேர் பைக்கில் விழுப்புரம் நோக்கி வந்தனர்.

போலீசார் பைக்கை நிறுத்தி சோதனை செய்த போது அதில் 90 மி.லி., அளவுள்ள 100 மதுபாட்டில்கள் கடத்தி செல்வது தெரியவந்தது.

விசாரணையில், செஞ்சி அருகே உள்ள பாடியை சேர்ந்த அஜித்குமார், 26; ஆனந்தராஜ், 27; என தெரிந்தது.

இருவரையும் கைது செய்த போலீசார், மதுபாட்டில்கள் மற்றும் பைக்கை பறிமுதல் செய்தனர்.