விழுப்புரம், நகராட்சி திடலில், தொடக்கக்கல்வி ஆசிரியர் இயக்கங்களின் கூட்டு நடவடிக்கைக்குழு சார்பில் நேற்று இரண்டாவது நாளாக ஆர்ப்பாட்டம் நடந்தது.

மாவட்ட ஒருங்கிணைப்பாளர் ஜெயாநந்தன் தலைமை தாங்கினார். இதில், பழைய ஓய்வூதிய திட்டத்தை நடைமுறைப்படுத்த வேண்டும்; இடைநிலை ஆசிர்யர்களுக்கு ஊதிய முரண்பாடுகளை நீக்க வேண்டும்; என்பன உள்ளிட்ட பல்வேறு கோரிக்கைகளை வலியுறுத்தி கோஷங்கள் எழுப்பினர்.

தொடர்ந்து, காலை 11:15 மணிக்கு திருச்சி நெடுஞ்சாலையில் சாலை மறியலில் ஈடுபட்டனர். பாதுகாப்பு பணியில் இருந்த தாலுகா போலீசார், 122 பெண்கள் உட்பட 247 ஆசிரியர்களை கைது செய்தனர். இதனால் சிறிது நேரம் போக்குவரத்து பாதிப்பு ஏற்பட்டது.