வானுார் தாலுகாவில் சம்பா பருவத்தில் நெல் சாகுபடி அதிகளவில் செய்யப்படுகிறது.

இந்த ஆண்டு பருவமழை மற்றும் வெள்ளத்தில் இருந்து பயிர்களை பாதுகாக்க இதுவரை 1,808 விவசாயிகள் 5,355 ஏக்கரில் நெற்பயிர் காப்பீடு செய்துள்ளனர்.

இந்த நெற்பயிர்களை வானுார் வேளாண்மை உதவி இயக்குநர் எத்திராஜ் பார்வையிட்டு ஆய்வு செய்தார்.

அவர் கூறுகையில், 'இன்று (நேற்று) 30ம் தேதி வரை இருந்த பயிர் காப்பீடு காலக்கெடு 1ம் தேதி வரை நீடிக்கப்பட்டுள்ளது.

மேலும், அனைத்து விவசாயிகளுக்கும், விவசாய அடையாள எண் கட்டாய பயன்பாட்டில் இருந்து விலக்கு அளிக்கப்பட்டு குத்தகை சாகுபடி செய்யும் விவசாயிகளும் காப்பீடு செய்யலாம் என அரசு தெரிவித்துள்ளது.

எனவே பயிர் காப்பீடு செய்யாமல் உள்ள விவசாயிகள் உடனடியாக பொது சேவை மையங்களுக்கு சென்று தங்கள் நெற்பயிரை காப்பீடு செய்யலாம்' என்றார்.