விழுப்புரம் மாவட்டம், திண்டிவனம் அடுத்த தைலாபுரத்தில் உள்ள பா.ம.க., நிறுவனர் ராமதாஸ் வீட்டிலும், சென்னை தியாகராய நகரில் உள்ள அவரது மகன் அன்புமணி வீட்டிலும் வெடிகுண்டு வைத்திருப்பதாக, சென்னை டி.ஜி.பி., அலுவலகத்திற்கு இ - மெயில் மூலம் மர்ம நபர் மிரட்டல் விடுத்தார்.

இதுகுறித்து, டி.ஜி.பி., அலுவலக எச்சரிக்கையை தொடர்ந்து, வெடிகுண்டு நிபுணர்கள், நேற்று காலை, 11:10 மணிக்கு, ராமதாஸ் இல்லத்திற்கு மோப்ப நாயுடன் விரைந்தனர்.

பகல், 12:40 மணி வரை வீடு முழுதும் சோதனை மேற்கொள்ளப்பட்டது. அதில், வெடிகுண்டு இல்லை என்று அறிவித்தனர். இருப்பினும், மிரட்டலை தொடர்ந்து, ராமதாஸ் வீட்டுக்கு கூடுதல் போலீஸ் பாதுகாப்பு போடப்பட்டுள்ளது.