திருச்சி மண்டல ரயில்வே பி.ஆர்.ஓ., வினோத் வெளியிட்ட செய்திக்குறிப்பு;

விழுப்புரம் ரயில் நிலையத்தில் இருந்து இன்று (9ம் தேதி) மற்றும் 11ம் தேதிகளில் மாலை 6:10 மணிக்கு புறப்படும் விழுப்புரம் - காட்பாடி இடையிலான ரயில் (வண்டி எண்- 66026) வேலூர் கண்டோன்மென்ட்டில் குறுகிய காலத்திற்கு நிறுத்தப்படுகிறது.

இந்த ரயில் விழுப்புரம் ரயில் நிலையத்தில் இருந்து வேலூர் கண்டோன்மென்ட்டிற்கு மட்டும் இயக்கப்படுகிறது.

சென்னை எழும்பூரிலிருந்து மாலை 6:00 மணிக்கு புறப்படும் சென்னை கடற்கரை - திருவண்ணாமலை ரயில் ( வண்டி எண்- 66033), இன்று (9ம் தேதி) மற்றும் 11ம் தேதி முழுமையாக ரத்து செய்யப்படுகிறது.

அதேபோல், திருவண்ணாமலையில் இருந்து மாலை 4:30 மணிக்கு புறப்படும் ரயில் ( வண்டி எண்- 66034) தாம்பரம் ரயில் நாளை (10ம் தேதி) மற்றும் 12ம் தேதி முழுமையாக ரத்து செய்யப்பட்டுள்ளது.

இவ்வாறு அதில் கூறப்பட்டுள்ளது.