விழுப்புரம் அருகே, ஜானகிபுரத்தில், நாகப்பட்டினம் தேசிய நெடுஞ்சாலைக்கான புறவழிச்சாலை துவங்குகிறது.

இங்கு, சென்னை - திருச்சி மார்க்கத்திற்கு ஒரு மேம்பாலமும், நாகப்பட்டினம் மார்க்கத்திற்கு ஒரு மேம் பாலமும், விழுப்புரம் - திருச்சி மார்க்கத்திற்கு ஒரு மேம்பாலமும் கட்டப்பட்டுள்ளன.

இந்த மேம்பாலங்கள் வழியாக, தினமும் ஆயிரக்கணக்கான வாகனங்கள் சென்று வருகின்றன. இந்நிலையில், சென்னை - திருச்சி மார்க்க மேம்பாலத்தின் மேற்கு பகுதியில் போடப்பட்டுள்ள, 'கான்கிரீட் டெக்'கில் ஆங்காங்கே விரிசல் ஏற்பட்டுள்ளது.

இந்த விரிசல் பகுதி மீது, டூ - வீலரில் பயணிப்போர், நிலை தடுமாறி விழுந்து, விபத்தில் சிக்கும் அபாயம் உள்ளது. புதிதாக அமைக்கப்பட்ட இந்த மேம்பாலத்தில் ஏற்பட்டுள்ள விரிசலை சீரமைக்கவும், பாலத்தின் தரத்தை உறுதிப்படுத்தவும் வேண்டும் என, வாகன ஓட்டிகள் கோரிக்கை விடுத்துள்ளனர்.