படுகாயமடைந்த வைத்தியலிங்கம், திண்டிவனம் அரசு மருத்துவமனையில் சேர்க்கப்பட்டு அங்கு அவர் இறந்தார். வெள்ளிமேடுபேட்டை போலீசார் வழக்குப் பதிந்து விசாரிக்கின்றனர்.

தனியார் நிறுவனத்தில் மோசடி

கள்ளக்குறிச்சி அடுத்த மாதவச்சேரியைச் சேர்ந்தவர் சுபாஷ் சந்திரபோஸ், 34; விழுப்புரம், மாம்பழப்பட்டு சாலையில் உள்ள தனியார் நிறுவனத்தில் மேலாளராக பணிபுரிகிறார். சமீபத்தில் நிறுவனத்தில் கணக்குகளை தணிக்கை செய்தனர்.

அதில், கடந்தாண்டு டிசம்பர் மாதத்தில் இருந்து கடந்த ஜூலை மாதம் வரை 9 லட்சத்து 99 ஆயிரத்து 96 ரூபாய் சுபாஷ் சந்திரபோஸ் மோசடி செய்திருப்பது கண்டுபிடிக்கப்பட்டது. நிறுவன முதுநிலை மேலாளர் அபிஷேக் பார்த்தசாரதி அளித்த புகாரின் பேரில், சுபாஷ் சந்திரபோஸ் மீது விழுப்புரம் மேற்கு போலீசார் வழக்குப் பதிந்து விசாரிக்கின்றனர்.

குட்கா விற்ற 2 பேர் கைது

திருவெண்ணெய்நல்லுார் இன்ஸ்பெக்டர் மைக்கேல் இருதயாஜ் தலைமையிலான போலீசார் துலுக்கப்பாளையம் கிராம பகுதியில் ரோந்து சென்றனர்.

அப்போது அப்பகுதியில் உள்ள பெட்டிக் கடையில் குட்கா விற்ற அதே கிராமத்தைச் சேர்ந்த பெட்டிக் கடைக்காரர் முரளி, 39; கள்ளக்குறிச்சி மாவட்டம், எம்.குன்னத்துார் முருகன், 42; ஆகிய இருவரையும் கைது செய்து இவர்களிடமிருந்து 25 கிலோ குட்கா பாக்கெட்டுகளை பறிமுதல் செய்தனர்.

கணவர் மாயம்: மனைவி புகார்

திருவெண்ணெய்நல்லுார் அடுத்த டி.கொளத்துார் கிராமத்தைச் சேர்ந்தவர் ஏழுமலை மகன் ரஜினி, 29; கூலித்தொழிலாளி. இவரை கடந்த 10ம் தேதி முதல் காணவில்லை பல இடங்களில் தேடியும் கிடைக்கவில்லை. இது குறித்து அவரது மனைவி பரமேஸ்வரி அளித்த புகாரின்பேரில் திருவெண்ணெய்நல்லுார் போலீசார் வழக்கு பதிந்து விசாரிக்கின்றனர்.