செஞ்சி அரசு பெண்கள் மேல்நிலை பள்ளியில் புதுச்சேரி' தினமலர்- பட்டம்' இதழ், ஆச்சார்யா கல்விக்குழுமம் இணைந்து பதில் சொல் பரிசு வெல் வினாடி வினா போட்டி நடந்தது.

இதில் 16 மாணவிகள் கலந்து கொண்டனர். 8 குழுக்களாக பிரித்து இரண்டு சுற்றுகளாக போட்டி நடந்தது.

இதில் 9ம் வகுப்பு மாணவிகள் ஐஸ்வர்யா, அஸ்வித்தா முதலிடமும், மாணவிகள் வீனஸ்ஸ்ரீ, சந்தியா 2ம் இடமும் பிடித்தனர். இவர்களுக்கு கேடயம், பதக்கம் மற்றும் பங்கேற்ற மாணவர்களுக்கு பரிசு வழங்கும் விழா நடந்தது.

தலைமையாசிரியர் செந்தில்குமார் வரவேற்றார். பேரூராட்சி கவுன்சிலர்கள் பொன்னம்பலம், சுமித்ரா சங்கர் முன்னிலை வகித்தனர். பேரூராட்சி தலைவர் மொக்தியார் அலி வெற்றி பெற்ற மாணவிகளுக்கு கேடயம், பதக்கம் மற்றும் பங்கேற்ற மாணவிகளுக்கு சான்றிதழ் வழங்கினர். இதில் ஆசிரியர்கள் கலந்து கொண்டனர். உதவி தலைமையாசிரியர் தேவதாஸ் நன்றி கூறினார்.