ADDED : ஆக 06, 2025 01:07 AM
அ நிறம் | அளவு
விழுப்புரம்; குடிபோதையில் தகராறு செய்து, பொதுமக்களை தாக்கிய வாலிபரை போலீசார் கைது செய்தனர்.
விழுப்புரம் வி.மருதூர் பெருமாள் நகரை சேர்ந்தவர் திருஞானம் மகன் கணபதி, 21; இவர், நேற்று முன்தினம் மதியம் மதுபோதையில், கே.கே.ரோடு பகுதியில் உள்ள ஒரு ஓட்டல் முன்பு வந்து, கையில் இரும்பு பைப்புடன் நின்றிருந்தார்.
அப்போது, அந்த வழியாக பைக்கில் வந்த விழுப்புரம் ராஜேஸ்வரி நகரை சேர்ந்த கிருஷ்ணசாமியை, 23; வழிமறித்து, தாக்கியதோடு, அவரது பைக்கையும் உடைத்து சேதப்படுத்தி, வீண் தகராறில் ஈடுபட்டுள்ளார்.
இதனையடுத்து, மருதுார் நரசிங்கபுரம் பகுதியை சேர்ந்த அனீஷ்,29; என்பவரது வீட்டின் முன்பிருந்த மின் விளக்குகளையும் சேதப்படுத்தி தகராறு செய்துள்ளார்.
இது குறித்த புகாரின் பேரில், விழுப்புரம் டவுன் போலீசார் வழக்கு பதிந்து, கணபதியை கைது செய்தனர்.
