விக்கிரவாண்டியைச் சேர்ந்தவர் சுரேஷ் மனைவி சத்யா, 38; இவர், அப்பகுதி பஸ் நிறுத்தத்தில் ஆவின் பாலகம் நடத்தி வருகிறார். நேற்று முன்தினம் இவரது கடைக்கு குடிபோதையில் வந்த விக்கிரவாண்டி கக்கன் நகரைச் சேர்ந்த கோபாலகிருஷ்ணன், 45; தண்ணீர் பாட்டில் கேட்டு தராததால் ஆத்திரமடைந்து, சத்யாவை திட்டி கடையிலிருந்த பாட்டில்களை உடைத்து சேதப்படுத்தினார்.

சத்யா கொடுத்த புகாரின்பேரில் விக்கிரவாண்டி போலீசார் வழக்குப் பதிந்து கோபாலகிருஷ்ணனை கைது செய்தனர்.