விழுப்புரம் அடுத்த சாலை அகரம் கிராமத்தைச் சேர்ந்தவர் சங்கர், 55; விவசாயி. இவர், நேற்று காலை 10:30 மணியளவில், தனது ஒன்றரை வயது பேரக் குழந்தையை முன்னால், அமர வைத்து, பைக்கில் புதுச்சேரி- விழுப்புரம் சாலையில் சென்றார்.

சாலை அகரம் கெங்கையம்மன் கோவில் அருகே சென்றபோது, பின்னால் வந்த தனியார் பஸ் பைக் மீது மோதியது. படுகாயமடைந்த சங்கர் இறந்தார். காயமடைந்த குழந்தையை மீட்டு, முண்டியம்பாக்கம் அரசு மருத்துவமனையில் சேர்த்தனர்.

புகாரின் பேரில் வளவனுார் போலீசார் வழக்கு பதிந்து விசாரித்து வருகின்றனர்.