செஞ்சி அடுத்த முக்குணம் மலை மீதுள்ள வள்ளி தெய்வானை சமேத சுப்ரமணியர் கோவிலில் புதிதாக 23 அடியில் கலசம் அணிவிக்கப்பட்ட கொடிமரம் (துஜஸ்தம்பம்) பிரதிஷ்டை மற்றும் கும்பாபிஷேகம் நேற்று நடந்தது.

அதனையொட்டி, நேற்று காலை 6:00 மணிக்கு வள்ளி, தெய்வானை சமேத சுப்ரமணியருக்கு சிறப்பு அபிஷேக, அலங்காரம் செய்தனர். 7:30 மணிக்கு கும்ப பிரதிஷ்டை, கணபதி பூஜை, நவக்கிரக பூஜை, தொடர்ந்து சிறப்பு ஹோமமும் நடந்தது.

தொடர்ந்து 9:00 மணிக்கு மகா பூர்ணாஹூதியும், கடம் புறப்பாடாகி கலச நீர் கொண்டு மகா கும்பாபிஷேகம் நடந்தது. மாலை 6:00 மணிக்கு பிரம்மோற்சவ விழாவின் துவக்கமாக கொடியேற்றம் நடந்தது. இந்நிகழ்ச்சிகளில் விழா குழுவினர் மற்றும் திரளான பக்தர்கள் பங்கேற்றனர்.