விழாவையொட்டி கடந்த 19ம் தேதி கணபதி பூஜையும் முதல் கால யாகசாலை பூஜையும் நடந்தது. 20ம் தேதி காலை இரண்டாம் கால யாகசாலை பூஜையும், ஹோமங்களும் நடந்தது.

இரவு 10:00 மணிக்கு புதிதாக 12 அடி உயர மஹா வாராகி அம்மன் சிலையும், அருகே ராகு, கேது சிலைகளும் பிரதிஷ்டை செய்யப்பட்டது.

அதனைத் தொடர்ந்து நேற்று காலை 7:00 மணிக்கு மூன்றாம் கால யாகசாலை பூஜை நடந்தது. 10:00 மணிக்கு கடம் புறப்பாடாகி வாராகி அம்மன் கோவில் கலசங்களில் புனித நீர் ஊற்றி கும்பாபிஷேகம் நடந்தது. திரளான பக்தர்கள் சுவாமி தரிசனம் செய்தனர்.