வானூர் அடுத்த ராவுத்தன்குப்பம் எல்லையம்மன் கோவில் தேர் திருவிழா கடந்த மாதம் 28ம் தேதி விநாயகர் உற்சவத்துடன் துவங்கியது. விழாவையொட்டி, அன்று முதல் 6ம் தேதி வரை, தினசரி சிறப்பு அலங்காரத்தில் அம்மன் வீதியுலா நடந்தது.

நேற்று முன்தினம் காலை 11;00 மணிக்கு, அம்மனுக்கு கூழ்வார்த்தல், பகல் 2;00 மணிக்கு காளி வள்ளான் கோட்டையை அழித்தல், அம்மன் பாரி வேட்டையாடுதல் நடந்தது. மாலை 6;00 மணிக்கு, செடல் உற்சவம் நடந்தது.

இதில் திரளான பக்தர்கள் கலந்து கொண்டு, அலகு குத்தி வேன், டிராக்டர், கார் உள்ளிட்ட வாகனங்கள் இழுத்து நேர்த்தி கடனை செலுத்தினர். இரவு 7;00 மணிக்கு அம்மன் அலங்கரிக்கப்பட்டு, தேர் வீதியுலா நடந்தது. விழாவிற்கான ஏற்பாடுகளை கிராம பொது மக்கள் செய்திருந்தனர்.