காணை அடுத்த அழகம்மா கோவிலில், நேற்று முன்தினம் இரவு 7:30 மணிக்கு, பூசாரி வீரமணி பூஜை முடித்து கதவை பூட்டிவிட்டு சென்றார். மீண்டும் நேற்று காலை வந்து பார்த்தபோது, கோவில் முன் பகுதி கிரீல் கேட் பூட்டை உடைத்து, அம்மன் கழுத்தில் இருந்த தங்க தாலி பொட்டு, உண்டியல் காணிக்கை பணத்தை மர்ம நபர்கள் திருடிச்சென்றது தெரிந்தது.

காணை போலீசார் வழக்குப் பதிந்து, கோவிலில் தடயங்களை சேகரித்து விசாரிக்கின்றனர்.