கிளியனுார் அண்ணா நகரில் உள்ள செங்கழுநீர் மாரியம்மன் கோவிலில், திருப்பணிகள் முடிந்து கும்பாபிஷேக விழா கடந்த 30ம் தேதி விநாயகர் பூஜை, கணபதி ஹோமம், நவக்கிரஹ ஹோமம், தனபூஜையுடன் துவங்கியது.

நேற்று முன்தினம் இரவு 8:00 மணிக்கு முதற்கால யாக பூஜையும், நேற்று 7:30 மணிக்கு இரண்டாம் கால யாக பூஜையும் நடந்தது. நேற்று காலை 10;00 மணிக்கு செங்கழுநீர் மாரியம்மன் கோவில் விமானத்திற்கு கும்பாபிஷேகமும், அதனை தொடர்ந்து மூலவர் மற்றும் பரிவார மூர்த்திகளுக்கு மகா கும்பாபிஷேகம் நடந்தது.

விழாவில் திரளான பக்தர்கள் கலந்து கொண்டு சுவாமி தரிசனம் செய்தனர். ஏற்பாடுகளை விழாக்குழுவினர் மற்றும் கிராம பொது மக்கள் செய்திருந்தனர்.