வளத்தி அடுத்த வேட்டைக்காரன்பட்டி கூட்ரோடைச் சேர்ந்த ராமன், 49; இவரது வீட்டு பின்புறத்தில் ஆடுகளைக் கட்டி வைத்திருந்தார். நேற்று முன்தினம் காலையில் பார்த்தபோது 2 ஆடுகள் காணாமல் போனது.

வீட்டிலிருந்த கண்காணிப்பு கேமராவில் பார்த்தபோது அதிகாலை 2:00 மணியளவில் வெள்ளை நிற காரிலிருந்து இறங்கிய முகமூடி அணிந்த 2 மர்ம நபர்கள் ஆடுகளை திருடிச் சென்றது தெரியவந்தது.

இதே போல் இவரது வீட்டின் அருகே உள்ள வெங்கடேசன் என்பவரது 2 ஆடுகளும் திருடு போனது.

புகாரின் பேரில் வளத்தி போலீசார் வழக்குப்பதிந்து விசாரித்து வருகின்றனர்.