விழுப்புரம் அருகே உள்ள ஒரு கிராமத்தைச் சேர்ந்த 9ம் வகுப்பு படிக்கும் 14 வயது சிறுமி, தந்தை இறந்ததால், உறவினர் வீட்டில் தங்கி படித்து வந்தார்.

அதே பகுதியை சேர்ந்தவர் பழனி, 60; விவசாயி. இவர், கடந்த ஆண்டு ஜூன் மாதம் சிறுமிக்கு பிஸ்கெட், கூல்டிரிங்ஸ் மற்றும் பணம் கொடுத்து பாலியல் பலாத்காரம் செய்து வந்துள்ளார்.

இந்நிலையில், சமீபத்தில் சிறுமியின் உடல்நிலை பாதிக்கப்பட்டதால், அவரது குடும்பத்தினர் தனியார் மருத்துவமனைக்கு அழைத்துச் சென்றனர். அங்கு பரிசோதித்ததில், சிறுமி 8 மாத கர்ப்பமாக இருப்பது தெரியவந்தது. இதுகுறித்த புகாரின் பேரில், செஞ்சி அனைத்து மகளிர் போலீசார் போக்சோ சட்டத்தில் வழக்குப் பதிந்து, பழனியை நேற்று கைது செய்தனர்.

திண்டிவனம்

திண்டிவனம் அடுத்த ஆட்சிப்பாக்கம் கிராமத்தைச் சேர்ந்தவர் சின்னதம்பி என்கிற முருகானந்தம், 38; இவர், கடந்த 23ம் தேதி, பிளஸ் 2 படித்து வரும் 16 வயது சிறுமியிடம் பாலியல் சீண்டலில் ஈடுபட்டுள்ளார்.

இதுகுறித்த புகாரின் பேரில் முருகானந்தம் மீது, திண்டிவனம் அனைத்து மகளிர் போலீசார் 'போக்சோ' சட்டத்தின் கீழ் வழக்குப் பதிந்து விசாரித்து வருகின்றனர்.