விழாவையொட்டி, நேற்று 2ம் தேதி அதிகாலை 6:00 முதல் 7:15 வரையில் சிறப்பு அபிஷேக ஆராதனை நடந்தது. பின், மயிலம் ஆதீனம் 7:00 மணிக்கு கொடிமரத்தில் கொடியேற்றி விழாவை துவக்கி வைத்தார். காலை 11:00 மணிக்கு வெள்ளி விமானத்தில் வள்ளி தெய்வானை சுப்ரமணிய சுவாமி கிரிவலம் நடந்தது.

இரவு 7:00 மணிக்கு வெள்ளி நாக வாகனத்தில் உற்சவர் அருள்பாலித்தார். இன்று 3ம் தேதி காலை 11:00 சுவாமிக்கு சிறப்பு அபிஷேகம் வழிபாடு நடக்கிறது. இரவு ஏழு மணிக்கு ஆட்டுக்கிட வாகனத்தில் கிரிவலம் காட்சி நடக்கிறது.

வரும் 6ம் தேதி இரவு 8:00 மணிக்கு தங்க மயில் வாகனத்திலும், 9ம் தேதி வள்ளி தெய்வானை சுப்ரமணிய சுவாமிக்கு திருக்கல்யாண உற்சவம், தொடர்ந்து வெள்ளி குதிரை வாகனத்தில் மலை வலக்காட்சியும் நடக்கிறது.

வரும் ஏப்ரல் 10ம் தேதி தேர் திருவிழா நடக்கிறது. 11ம் தேதி காலை 9:00 மணிக்கு தீர்த்த வாரி உற்சவம், தொடர்ந்து இரவு தெப்ப உற்சவம் நடக்கிறது. 12ம் தேதி முத்து பல்லக்கில் சுவாமி கிரிவல காட்சி நடக்கிறது. ஏற்பாடுகளை மயிலம் பொம்மபுர ஆதீனம் இருபதாம் பட்டம் சிவஞான பாலாலய சுவாமிகள் செய்து வருகிறார்.