ADDED : ஜன 25, 2026 04:20 AM

அ நிறம் | அளவு
விழுப்புரம்: விழுப்புரம் தாலுகா அலுவலகத்தில் பொது விநியோக திட்ட குறைகேட்புக் கூட்டம் நடந்தது.
விழுப்புரம், விக்கிரவாண்டி, செஞ்சி, மேல்மலையனுார், திண்டிவனம், வானுார், திருவெண்ணெய்நல்லுார், மரக்காணம், கண்டாச்சிபுரம் ஆகிய 9 தாலுகா அலுவலகங்களில் நடந்த முகாமில், ரேஷன் கார்டுகளில் பெயர் சேர்த்தல், நீக்கம், முகவரி மாற்றம், புதிய ரேஷன் கார்டு அட்டை, நகல் அட்டை, மொபைல் போன் எண் பதிவு, மாற்றம் உள்ளிட்ட கோரிக்கைகள் தொடர்பாக மனுக்கள் பெறப்பட்டன.
மேலும், ரேஷன் கடைகளின் செயல்பாடுகள், அத்தியாவசியப் பொருட்களின் தரம் குறித்தும் பொதுமக்கள் மனு அளித்தனர்.
விழுப்புரம் தாலுகா அலுவலகத்தில் நடந்த முகாமில் குடிமைப்பொருள் தனி தாசில்தார் ஆனந்தன், பொதுமக்களிடம் மனுக்களை பெற்றார். வருவாய் ஆய்வாளர்கள் பிரகாஷ், லெஸிங்டன் உடனிருந்தனர்.
