கூட்டத்தில், நீர்வளத்துறை சார்பில் கொங்கம்பட்டு கிராமத்தில் மலட்டாறு குறுக்கே ரூ. 3.50 கோடி மதிப்பீட்டில் கட்டப்பட்டு வரும் அணைக்கட்டு பணியின் நிலை; செஞ்சி அருகே மேல்களவாய் கிராமத்தில் வராக நதி குறுக்கே ரூ.8 கோடி மதிப்பில், கட்டப்பட்டு வரும் அணைக்கட்டு பணி முன்னேற்றம்; திண்டிவனம் அருகே பெரமந்துார் ஏரி, சிங்கனுார் பெரிய ஏரி, ஜக்காம்பேட்டை பெரிய ஏரி, சித்தேரி ஏரி ஆகிய ஏரிகளில் ரூ. 8 கோடி மதிப்பில் நடந்து வரும் புனரமைப்பு பணி; ஆகியவற்றின் முன்னேற்றம் குறித்து கேட்டறிந்தார்.

மேலும், விழுப்புரம் நரியாறு ஓடையில் ரூ.2 கோடி மதிப்பில் துார்வாரும் பணி; விக்கிரவாண்டி அருகே பனமலை ஏரி உள்ளிட்ட சுற்றியுள்ள 11 ஏரிகளில், ரூ. 6.25 கோடி மதிப்பீட்டில் நடந்து வரும் புனரமைப்பு பணி; ஆகியவற்றின் நிலை குறித்து கலெக்டர் விரிவாக கேட்டறிந்தார்.

தொடர்ந்து, விக்கிரவாண்டி தாலுகா வழுதாவூர் சங்கராபரணி ஆற்றின் குறுக்கே ரூ.30 கோடியில் அணைக்கட்டு கட்டுதல்; வீடூர் அணை கதவுகள் ரூ.38.36 கோடி மதிப்பில் சீரமைத்தல்; எல்லிஸ் அணைக்கட்டில் ஆழாங்கால் வாய்க்கால் பிரிவு சுவர் கட்டுதல் ஆகிய திட்ட பணிகளை துரிதப்படுத்த அறிவுறுத்தப்பட்டது.

பொதுப்பணித்துறை மூலம் முண்டியம்பாக்கம் அரசு மருத்துவ கல்லுாரியில், 100 படுக்கை வசதிகள் கொண்ட தீவிர சிகிச்சை பிரிவு கட்டடம்; வானுார், மரக்காணம், செஞ்சி, வளவனுார் ஆகிய பகுதிகளில் கட்டப்பட்டு வரும் 'ஸ்மார்ட்' பள்ளி கட்டடம்; நபார்டு திட்ட பள்ளி வகுப்பறை கட்டடம்; ஆகியவற்றின் பணிகள் குறித்து கேட்டறியப்பட்டது.

இந்த பணிகள் அனைத்தும் விரைவாக முடித்து பயன்பாட்டுக்கு கொண்டுவர கலெக்டர் அறிவுறுத்தினார். கூட்டத்தில் விழுப்புரம் நீர் வளத்துறை செயற்பொறியாளர் அருணகிரி, பொதுப்பணித்துறை உதவி செயற்பொறியாளர் ராஜவேல் உள்ளிட்டோர் கலந்துகொண்டனர்.