அதற்கு ரசீது கேட்டபோது, ஊழியர் தரவில்லை. இட்லி பார்சலில், அதிகபட்ச விலை, 26 ரூபாய் என குறிப்பிட்டிருந்ததால், இரண்டு பார்சலுக்கு, கூடுதலாக வாங்கிய 8 ரூபாயை திரும்ப கேட்டார். ஊழியர் அலட்சியமாக பதிலளித்தார்.

விழுப்புரம் ரயில் நிலையத்திற்கு வந்த ஆரோக்கியசாமி, திருச்சி கோட்ட ரயில்வே மேலாளர் மற்றும் தனியார் கேட்ரிங் நிறுவன உரிமையாளருக்கு, தன்னிடம் கூடுதலாக வாங்கிய 8 ரூபாயை வழங்கும்படி, கடிதத்தில் புகார் தெரிவித்தார்.

விசாரித்த ரயில்வே அதிகாரி, கேட்ரிங் நிறுவனத்திற்கு 1,000 ரூபாய் அபராதம் விதித்தார். ஆனால், ஆரோக்கியசாமிக்கு 8 ரூபாயை வழங்கவில்லை.

இது குறித்து, விழுப்புரம் நுகர்வோர் கோர்ட்டில், ஆரோக்கியசாமி வழக்கு தொடர்ந்தார். இதில், 8 ரூபாய் கூடுதல் கட்டணம் வசூலித்து, மன உளைச்சலை ஏற்படுத்திய கேட்ரிங் நிர்வாகம், 20,000 ரூபாய் நஷ்ட ஈடு தரவும், வழக்கு செலவாக, 10,000 ரூபாயை புகார்தாரருக்கு 45 நாட்களுக்குள் வழங்கவும், மேலும், அந்த 8 ரூபாயையும் திருப்பி கொடுக்கவும், நீதிபதி உத்தரவிட்டார்.