திண்டிவனம் நேரு வீதியில் உள்ள காய்கறி மார்க்கெட் பகுதியில் அதிகளவில் சுற்றித் திரியும் மாடுகளைப் பிடிக்க வேண்டும் என காய்கறி வியாபாரிகள் சங்கத்தினர் நகராட்சி அதிகாரிகளிடம் கோரிக்கை மனு கொடுத்தனர்.

நகராட்சி கமிஷனர் குமரன் உத்தரவின் பேரில், நேற்று மார்க்கெட் பகுதியில் திரிந்த 18 மாடுகளை, சுகாதார ஆய்வாளர் செந்தில்குமார் தலைமையிலான நகராட்சி ஊழியர்கள் பிடித்து பட்டியில் அடைத்தனர்.

பிடிபட்ட மாடுகளின் உரிமையாளர் நகராட்சிக்கு 10 ஆயிரம் ரூபாய் அபராதம் செலுத்தினால் மாடுகள் விடுவிக்கப்படும் என அதிகாரிகள் தெரிவித்தனர்.