விழுப்புரம் மாவட்டம், மயிலம் அடுத்த சின்ன நெற்குணம் கிராமத்தைச் சேர்ந்தவர் அய்யனார் மகள் பார்வதி, 18; விழுப்புரம் அறிஞர் அண்ணா அரசு கலை அறிவியல் கல்லுாரியில் வணிகவியல் முதலாம் ஆண்டு படித்து வருகிறார்.

நேற்று முன்தினம் மாலை கல்லுாரி முடிந்து வீட்டிற்கு தனியார் பஸ்சில் சின்ன நெற்குணத்திற்கு வந்து கொண்டிருந்தார். மாலை 6:00 மணிக்கு செண்டூர் பஸ் நிறுத்தத்தில் பஸ்சின் பின்பக்க வலதுபுற டயர் திடீரென வெடித்தது.

இதில் பஸ் உள்ளே அமர்ந்து வந்த பார்வதிக்கு 2 கால்களிலும் எலும்பு முறிவு ஏற்பட்டது. உடன், புதுச்சேரி ஜிப்மர் மருத்துவமனையில் சேர்க்கப்பட்டு சிகிச்சை பெற்று வருகிறார். புகாரின் பேரில், மயிலம் போலீசார் வழக்குப் பதிந்து விசாரித்து வருகின்றனர்.