செஞ்சியில் கடந்த ஒரு வாரத்திற்கும் மேலாக கடுமையான வெயில் சுட்டெரித்து வந்தது. இந்நிலையில், வெயிலுக்கு இதமளிக்கும் வகையில் நேற்று மாலை 4:00 மணிக்கு, திடீரென சூறாவளி காற்றுடன் மழை பொழிந்தது. ஒரு மணி நேரம் நீடித்த மழையால் சாலையில் தண்ணீர் பெருக்கெடுத்து ஓடியது.

சூறாவளி காற்றின் காரணமாக ஏராளமான மரகிளைகள் முறிந்து விழுந்தன. இதனால் 1 மணி நேரம் மின்சாரம் தடைபட்டது. கொட்டி தீர்த்த மழையால் வெப்பம் தணிந்து குளிர் காற்று வீசியதால் பொதுமக்கள் நிம்மதி அடைந்தனர்.