செஞ்சி அடுத்த குறிஞ்சிப்பை சிவசுப்பிரமணியர் கோவிலில் தைப்பூச திருவிழா கடந்த ஜன., 27ஆம் தேதி கொடியேற்றத்துடன் துவங்கியது.

தினமும் காலை, மாலையில் சிறப்பு அபிஷேகம் மற்றும் சிறப்பு தீபாராதனை நடந்து வந்தது.

நேற்று முன்தினம் தைப்பூசத்தை முன்னிட்டு காலை 6:00 மணிக்கு மாரியம்மன், அம்மச்சாரம்மன், விநாயகர், வள்ளி தெய்வானை சமேத சிவசுப்பிரமணியருக்கு சிறப்பு அபிஷேகம் நடந்தது.

காலை 10:00 மணிக்கு பக்தர்கள் அலகு குத்தி செடல் சுற்றினர். சக்திவேல் அபிஷேகம், கடப்பாரை உருவுதல், மழுவேந்தல், வேல் குத்துதல் மற்றும் தீமிதி விழாவும், மதியம் தேர், ரோடு உருளை இழுத்தும் பக்தர்கள் நேர்த்தி கடன் செலுத்தினர். இரவு 7:00 மணிக்கு வள்ளலார் ஜோதி தரிசன நிகழ்ச்சியும், இரவு 10:00 மணிக்கு வான வேடிக்கையுடன் வள்ளி, தெய்வானை சமேத சுப்ரமணியசாமி வீதி உலா நடந்தது. தொடர்ந்து பக்தர்களுக்கு அன்னதானம் வழங்கப்பட்டது.