விழுப்புரம் முத்தோப்பு அகரம்பேட்டை பகுதியை சேர்ந்தவர் மகேஷ் மனைவி உமாமகேஸ்வரி, 39; இவரது மகன் தயாளனிடம் சித்தேரிக்கரையை சேர்ந்த தரணிதரன், 21; என்பவர் கடந்த ஒரு வாரம் முன் 1,000 ரூபாய் கடன் வாங்கினார். கடன் தொகையை திருப்பி தயாளன் கேட்டார். இதனால் ஆத்திரமடைந்த தரணிதரன் மற்றும் அவரது நண்பர்கள் முத்தோப்பு விக்கி, 22; நிர்மல்குமார், 22; ஆகியோர் சேர்ந்து தயாளனை வீடு புகுந்து தாக்கினர்.

தடுக்க வந்த அவரது தாய் உமாமகேஸ்வரியை திட்டி மின் விசிறியை சேதப்படுத்தினர்.

விழுப்புரம் டவுன் போலீஸ் தரணிதரன் உட்பட 3 பேர் மீது வழக்கு பதிந்து, தரணிதரன், நிர்மல்குமாரை கைது செய்தனர்.