பாடசாலைகள் மற்றும் ஆசான் பயிற்சி நிறுவனங்களில் புதிய முயற்சிகள் மற்றும் பரிசோதனைகளை ஊக்குவிக்கும் கருத்தரங்கில் தமிழகத்தில் இருந்து 4 பேர் உட்பட நாடு முழுதும் இருந்து 26 கல்வியாளர்கள் பங்கேற்றனர்.

அவர்களில், விழுப்புரம் மாவட்டம் வழுதாவூர் அரசு மேல்நிலைப் பள்ளி கணித ஆசிரியர் திருமுருகன், வகுப்பறைகளில் கற்றல், கற்பித்தலில் புதிய உத்திகளை கையாள்வது மற்றும் அணுகுமுறையை உறுதிப்படுத்துவது குறித்து, 'கல்வி 4.0 வடிவில் மேட்ரிக்ஸ் மறைவியலின் 21ம் நுாற்றாண்டு பயன்பாடுகள்' என்ற தலைப்பில் தனது திட்ட அறிக்கையை சமர்பித்தார்.

அவருக்கு, என்.சி.இ.ஆர்.டி., திட்ட இயக்குனர் பார்தவாஜ் 10 ஆயிரம் ரூபாய் நிதியுதவி மற்றும் சான்றிதழ் வழங்கி கவுரவித்தார்.