திண்டிவன மேம்பாலத்தின் கீழ் உள்ள ஒரு ஓட்டல் எதிரில், 14.3.2023 அன்று, கடலுாரிலிந்து சென்னை நோக்கி செல்லும் அரசு பஸ் காலை 7:15 மணியளவில் நின்றிருந்தது. கடலுார் மாவட்டம், புவனகிரியை சேர்ந்த டிரைவர் ஜெயராமன் பணியில் இருந்துள்ளார்.

அப்போது, திடீரென ஒருவர் அரசு பஸ்சின் முன்பக்க கண்ணாடியை கல்வீசி சேதப்படுத்திவிட்டு ஓடிவிட்டார்.

இது குறித்து டிரைவர் ஜெயராமன் திண்டிவனம் டவுன் போலீசில் புகார் கொடுத்தார். இன்ஸ்பெக்டர் கலைச்செல்வி விசாரணை நடத்தி, திண்டிவனம் கிடங்கல்(2) பகுதி, எம்.ஜி.ஆர்.நகரை சேர்ந்த வி.சி., பிரமுகர் தென்னரசு; 47; என்பவரை கைது செய்தனர்.

இந்த வழக்கு, திண்டிவனம் கூடுதல் மாவட்ட அமர்வு நீதிமன்றத்தில் நடந்து வந்தது. விசாரணை நடத்திய நீதிபதி ேஹமானந்தகுமார், குற்றம் சாட்டபட்ட தென்னரசுவிற்கு இரண்டு ஆண்டு சிறை தண்டனை விதித்து நேற்று தீர்ப்பு கூறினார்.