விழுப்புரம்:விழுப்புரம் மாவட்டத்தில் 5 பேரூராட்சி தலைவர் பதவி பெண்களுக்கு ஒதுக்கீடு செய்யப்பட்டுள்ளன.விழுப்புரம் மாவட்டத்தில் சின்னசேலம், வடக்கனந்தல், தியாகதுருகம், சங்கராபுரம், திருக்கோவிலூர், உளுந்தூர்பேட்டை, வள வனூர், விக்கிர வாண்டி, செஞ்சி, கோட்டக்குப்பம், மரக்காணம், மணலூர் பேட்டை, திருவெண்ணெய்நல்லூர், அரகண்டநல்லூர் மற்றும் அனந்தபுரம் பேரூராட்சிகள் உள்ளன. இதில் பெண்களுக்கு 5 தலைவர் பதவியும், எஸ். சி.,க்கு 3 பதவியும் மற்றும் பொதுவாக 7 இடங்களும் ஒதுக்கீடு செய்யப் பட்டுள்ளது.15 பேரூராட்சிகளிலும் மொத்தம் 243 வார்டு கவுன்சிலர் பதவிகள் உள்ளன. இதில் எஸ்.சி., பொதுவிற்கு 27 இடங்களும், எஸ்.சி., பெண்களுக்கு 21 இடங்களும், பெண்களுக்கு 60 இடங்களும் மற்றும் 135 பொதுவாகவும் ஒதுக்கீடு செய்யப்பட்டுள்ளன.