அதன்படி தி.மு.க., தேர்தல் அறிக்கை தயாரிப்பு குழு சார்பில், விழுப்புரம், கள்ளக்குறிச்சி, ஆரணி, கடலுார், சிதம்பரம், பெரம்பலுார் மற்றும் புதுச்சேரி லோக்சபா தொகுதிகளின் மக்களிடம் கருத்து கேட்பு கூட்டம், விழுப்புரத்தில் நடந்தது.

அப்போது, விழுப்புரம் மாவட்ட சேம்பர் ஆப் காமர்ஸ் தலைவர் ராமகிருஷ்ணன் தலைமையிலான நிர்வாகிகள் மனு அளித்தனர். அதில், தமிழக அரசு அமல்படுத்திய மின் கட்டண உயர்வால், வியாபாரிகள், பொதுமக்கள் கடுமையாக பாதிக்கப்பட்டுள்ளனர். மின் கட்டண உயர்வை வாபஸ் பெற வேண்டும். இரு மாதங்களுக்கு ஒருமுறை மின் கட்டண அளவீடு பணியை, மாதந்தோறும் என மாற்றிட வேண்டும்.

சொத்துவரி உயர்வால், பொதுமக்கள் பாதிப்புக்கு ஆளாகி உள்ளனர். வரி உயர்வை வாபஸ் பெற வேண்டும். தமிழகத்தில், விழுப்புரம் உட்பட ஒரு சி ல நகரங்களில் மட்டும், கட்டி முடிக்கப்பட்ட புதிய கட்டடங்களுக்கு, நகராட்சி சார்பில் நிறைவு சான்று மறுக்கப்படுகிறது. சேலம் உள்ளிட்ட பல்வேறு நகரங்களில் புதிய கட்டடங்களுக்கு பணி நிறைவு சான்று தாமதமின்றி வழங்கப்பட்டுள்ளது.

இப்பிரச்னையால், நிரந்தர மின் இணைப்பு பெற முடியாமல் கட்டட உரிமையாளர்கள் மிகுந்த அவதிப்பட்டு வருகின்றனர். இப்பிரச்னைக்கு உரிய தீர்வு காண வேண்டும் என கூறப்பட்டிருந்தது.

தமிழகத்தில் அடுத்த ஆண்டு சட்டசபை தேர்தல் வரவுள்ள நிலையில், கோரிக்கைகள் தீரவில்லை என வியாபாரிகள் ஆதங்கப்படுகின்றனர். மேலும், மின் கட்டண உயர்வு, சொத்துவரி உயர்வு, மாதந்தோறும் மின் கட்டண கணக்கீடு உள்ளிட்ட கொள்கை முடிவுகள் தாமதம் ஏற்பட்டாலும் பரவாயில்லை.

விழுப்புரம் நகரில் புதிதாக கட்டி முடிக்கப்பட்ட கட்டடங்களுக்கு, நகராட்சி பணி நிறைவு சான்று வழங்குவது போன்ற உள்ளூர் பிரச்னைகளையாவது தீர்த்து வைப்பதற்கு, ஆளுங்கட்சியினர் கவனம் செலுத்த வேண்டும் என வியாபாரிகள் தரப்பில் கோரிக்கை விடுத்துள்ளனர்.