அண்ணா பல்கலைக்கழகம் சார்பில் மண்டல அளவிலான மகளிர் கூடைப்பந்து போட்டி சூர்யா கல்லுாரி விளையாட்டு அரங்கில் நடந்தது.

போட்டியை கல்லுாரி நிர்வாகி விசாலாட்சி பொன்முடி தலைமை தாங்கி துவக்கி வைத்தார்.

போட்டியில் 8 கல்லுாரிகள் பங்கேற்றன. இதில் சூர்யா பொறியியல் கல்லுாரி மாணவிகள் முதலிடத்தையும், மயிலம் மணக்குள விநாயகர் பொறியியல் கல்லுாரி இரண்டாவது இடத்தையும், விழுப்புரம் அண்ணா பல்கலைக்கழகம் மூன்றாவது இடத்தையும், சேலம் இதயா பொறியியல் கல்லுாரி நான்காவது இடத்தையும் வென்றனர் .

முதலிடம் பெற்ற சூர்யா பொறியியல் கல்லுாரி மாணவிகளை கல்லுாரி முதல்வர்கள் சங்கர், அன்பழகன், வெங்கடேஷ், பாலாஜி, மதன் கண்ணன், துணை முதல்வர் ஜெகன், உடற்பயிற்சி இயக்குனர்கள் சீனிவாசன், அருண்குமார், ராம்குமார் ஆகியோர் வாழ்த்தினர்.