விழுப்புரம் பூ மாலை வணிக வளாகத்தில் நடந்த விழாவிற்கு, கலெக்டர் ஷேக் அப்துல் ரஹ்மான் தலைமை தாங்கி திறந்து வைத்து கூறுகையில், 'கண்காட்சி வரும் ஆகஸ்ட் 7ம் தேதி வரை நடக்கிறது. இதில், மாவட்டத்தில் இருந்து 45 மகளிர் சுயஉதவிக்குழுக்கள் மூலம் 30 அரங்குகளில் திருவக்கரை கல்சிற்பங்கள், பட்டு பாரம்பரிய உணவுப்பொருட்கள், திண்பண்டங்கள், கைவினைப் பொருட்களின் அரங்கம் அமைக்கப்பட்டுள்ளது. பொதுமக்கள் கண்காட்சியை பார்வையிட்டு மகளிர் சுயஉதவிக்குழு உறுப்பினர்கள் தயாரித்த பொருட்களை வாங்கி பயன்பெற வேண்டும்' என்றார்.

மகளிர் திட்ட இயக்குநர் செந்தில்வடிவு, மாவட்ட வழங்கல் மற்றும் விற்பனை சங்க மேலாளர் செந்தில்குமார் உட்பட பலர் பங்கேற்றனர்.